قدرت پاکستان پر مہربان۔۔!! ایک نہیں دو نہیں بلکہ کتنے سال کیلئے پانی کا ذخیرہ جمع ہوگیا؟ ناقابل تسخیر کارنامہ

کراچی (ویب ڈیسک) کراچی والوں کے لیے خوش خبری ہے کہ حب ڈیم بھرنے سے شہر کو پانی کی قلت دور کی جاسکے گی۔ شہر قائد میں ہونے والی بارشیں جہاں پریشانی کا سبب بنی وہیں کراچی کے باسیوں کے لیے نعمت بھی بن گئی۔ کراچی کو پانی سپلائی کرنے والے حب ڈیم میں پانی کا ذخیرہ جمع ہوگیا۔

اس حوالے سے واپڈا ذرائع کے مطابق حب ڈیم میں پانی کا ذخیرہ کراچی کی ڈھائی سے 3 سال تک ضرورت کے لیے کافی ہے۔ سندھ اور بلوچستان کے پہاڑی سلسلے میں بارشوں سے حب ڈیم میں پانی کی آمد کا سلسلہ جاری ہے۔کراچی اور بلوچستان کے بعض علاقوں کو پانی سپلائی کرنے والے حب ڈیم میں سطح آب 336 فٹ سے تجاوز کرگئی ہے اور ڈیم کو مکمل طور پر بھرنے میں صرف 3 فٹ باقی کی گنجائش رہ گئی ہے۔ سندھ اور بلوچستان کے پہاڑی سلسلے میں حالیہ بارشوں سے حب ڈیم میں پانی کی سطح مزید 4 فٹ بلند ہوگئی اور ڈیم کو مکمل طور پر بھرنے کے لیے صرف 5 فٹ تک کی سطح کا پانی درکار ہے۔ واپڈا ذرائع کے مطابق رواں سال مون سون کے چھٹے اسپیل میں کراچی اور سندھ کے علاوہ بلوچستان کے پہاڑی سلسلے میں بھی شدید بارشیں ہوئی ہیں جس سے کیچمنٹ ایریاز سے پانی کے غیر معمولی ریلے حب ڈیم پہنچ رہے ہیں۔ واپڈا ذرائع کے مطابق تین روز قبل تک حب ڈیم میں پانی کی سطح 330 فٹ پر تھی، آج صبح 9 بجے حب ڈیم میں سطح آب 334 فٹ تک پہنچ چکی تھی اور پانی کی آمد کا سلسلہ ابھی بھی جاری ہے۔ واپڈا ذرائع کا کہنا ہے کہ حب ڈیم میں پانی ذخیرہ کرنے کی گنجائش صرف ساڑھے 5 فٹ رہ گئی ہے، 45 کلومیٹر تک کے رقبے پر پھیلے اور 350 فٹ لیول کے حب ڈیم میں 339 فٹ کی سطح تک پانی جمع کیا جاسکتا ہے، ڈیم بھرنے کے بعد اضافی پانی اسپیل ویز سے خارج ہوکر حب ندی کے راستے سمندر میں گرنے لگتا ہے۔ حب ڈیم میں پانی کے ذخیرے کو محکمہ زراعت اور کراچی واٹر بورڈ نے آئندہ ڈھائی سے 3 سال کی ضروریات کے لیے کافی قرار دیا ہے۔ ذرائع کے مطابق آئندہ سال اگر مزید بارشیں نہ بھی ہوئیں تو حب ڈیم سال 2023 تک بلوچستان کے کئی علاقوں کو زرعی استعمال اور کراچی کو پینے کا پانی سپلائی کرتا رہے گا۔ واضح رہے کہ رواں سال مون سون سیزن کی غیر معمولی بارشوں سے حب ڈیم میں لگ بھگ 30 فٹ پانی پہنچ چکا ہے۔

The post قدرت پاکستان پر مہربان۔۔!! ایک نہیں دو نہیں بلکہ کتنے سال کیلئے پانی کا ذخیرہ جمع ہوگیا؟ ناقابل تسخیر کارنامہ appeared first on Markhor TV.

from Markhor TV https://ift.tt/3jvU0fN