احلام بنت عبدالرحمٰن نے بڑا اعزاز اپنے نام کرلیا۔!! اہم ترین عہدے پرتعینات ہونے والی پہلی خاتون بن گئیں

ریاض (ویب ڈیسک ) سعودی وزارت خارجہ نےاحلام بنت عبدالرحمن ینکصار کو ثقافتی امور کے ادارے کا ڈائریکٹر جنرل تعینات کیا ہے۔ احلام بنت عبدالرحمن پہلی سعودی خاتون ہیں جنہیں وزارت خارجہ میں ڈائریکٹر جنرل کے عہدے پر فائز کیا گیا ہے۔ عاجل ویب سائٹ کے مطابق احلام بنت عبدالرحمن لندن

یونیورسٹی سے انٹرنیشنل بزنس مینجمنٹ میں ماسٹرز ہیں۔ انہوں نے سیکریٹری خارجہ برائے ثقافتی و اقتصادی امور ٹیم کے ساتھ بھی کام کیا ہے۔ لندن کے سعودی سفارتخانے میں اقتصادی و ثقافتی شعبے کی ڈپٹی چیئرپرسن کے علاوہ وزارت خارجہ میں شمالی امریکہ کے سیکشن میں اقتصادی و ثقافتی امور کی انچارج کی حیثیت سے بھی کام کرچکی ہیں۔ یورپی ممالک میں سعودی سفرا کمیٹی جنرل سیکریٹریٹ میں ڈپلومیٹک کوآرڈینیٹر کی حیثیت سے بھی فرائض انجام دیے ہیں۔ اقوام متحدہ کی جنرل اسمبلی کے 72 ویں سیشن میں سعودی سفارتی مشن کا حصہ تھیں۔ احلام بنت عبدالرحمن نے سماجی و انسانی امور کی کمیٹی کی نمائندگی کرتے ہوئے جنرل اسمبلی کے اجلاس سے خواتین کے موضوع پر سعودی عرب کی پالیسی پیش کی تھی۔

The post احلام بنت عبدالرحمٰن نے بڑا اعزاز اپنے نام کرلیا۔!! اہم ترین عہدے پرتعینات ہونے والی پہلی خاتون بن گئیں appeared first on Markhor TV.

from Markhor TV https://ift.tt/32tRoIi