” لڑکی سے ہاتھ ملانے کی ویڈیو کا معاملہ۔۔۔!!!مولانا طارق جمیل خود میدان میں آگئے، ایسا اعلان کر دیا جان کر آپ بھی سبحان اللہ کہہ اٹھیں گے

لاہور (ویب ڈیسک) معروف عالم دین مولانا طارق جمیل نے وضاحت کی ہے کہ جس ویڈیو کے بارے میں یہ قرار دیا جارہا ہے کہ وہ لڑکی سے ہاتھ ملا رہے ہیں درحقیقت وہ ایک خواجہ سرا تھا۔اپنے ایک ٹویٹ میں صحافی اعزاز سید کی جانب سے لگائے جانے والے الزام کا جواب دیتے ہوئے مولانا طارق جمیل

نے کہا کہ ” اللہ کے فضل سے سینکڑوں خواجہ سرا میری دعوت سے اپنے پیشے سے نکل کر داعی بن چکےہیں، اعزاز صاحب نے بلا تحقیق اس ویڈیو پر ٹویٹ کیا ہے کہ میں لڑکی سے ہاتھ ملا رہا ہوں جو کہ بہتان ھے، چند خواجہ سرا مجھ سے رائیونڈ میں ملاقات کے لئے آئے تھے، اور تمام اب تبلیغ کے کام سے منسلک ہو چکے ہیں۔”خیال رہے کہ اعزاز سید نے ایک ویڈیو شیئر کی تھی جس کے بارے میں انہوں نے دعویٰ کیا تھا کہ مولانا طارق جمیل ایک خاتون کے ساتھ مصافحہ کر رہے ہیں۔ جبکہ دوسری جانب ایک خبر کے مطابق لڑکی سے ہاتھ ملانے کا الزام لگانے والے صحافی اعزاز سید نے مولانا طارق جمیل سے معذرت کرلی۔اعزاز سید نے سوشل میڈیا پر ایک ویڈیو شیئر کی تھی جس میں مولانا طارق جمیل ایک شخص سے ہاتھ ملا رہے ہیں۔ اس بارے میں اعزاز سید نے الزام لگایا تھا کہ معروف عالم دین خاتون سے ہاتھ ملا رہے ہیں۔ صحافی کے الزام کے بعد مولانا طارق جمیل نے ایک ٹویٹ میں اس مصافحے کی وضاحت کی اور بتایا کہ یہ دراصل ایک خواجہ سرا ہے۔مولانا طارق جمیل کی وضاحت آنے کے بعد صحافی اعزاز سید نے اپنی پہلی ٹویٹ ڈیلیٹ کردی اور کہا ” طارق جمیل صاحب نے وضاحت کی ہے کہ ان سے ہاتھ ملانے والی لڑکی نہیں مہک نامی ایک خواجہ سرا تھا اس وضاحت سے میری غلط فہمی دور ہو گئی ۔ خواجہ سراؤں کے لیے کام کرنا ایک بڑائی ہے ۔ اس حوالے سے جناب طارق صاحب کا احترام اور اگر غلط فہمی میں دل آزاری ہوئی تو معذرت بھی۔اعزاز سید نے اپنے ٹویٹ میں کہا تھا کہ ” مجھے مولوی طارق جمیل کے اس لڑکی سے ہاتھ ملانے پر اعتراض نہیں ہے، اعتراض یہ ہے کہ مولوی اپنی تبلیغ کے بالکل الٹ کام کرتا ہے، لوگوں کو ایسے کرداروں کی اصلیت جاننا چاہیے، اور پیروی سے گریز کرنا چاہیے۔”

The post ” لڑکی سے ہاتھ ملانے کی ویڈیو کا معاملہ۔۔۔!!!مولانا طارق جمیل خود میدان میں آگئے، ایسا اعلان کر دیا جان کر آپ بھی سبحان اللہ کہہ اٹھیں گے appeared first on Markhor TV.

from Markhor TV https://ift.tt/2Y9nmZ5