2 دن کی بارش میں کراچی کی معیشت کو کتنے ارب کا نقصان ہوا؟ جواب آپ کے اندازے غلط ثابت کر دے گا

کراچی (ویب ڈیسک) شہر قائد میں برسنے والی بارشوں کی وجہ سے تاجروں کو 10 سے 12 ارب روپے کا نقصان اٹھانا پڑا ہے۔صدل آل کراچی تاجر اتحاد کے مطابق حالیہ بارشوں میں تاجروں کو شدید نقصان کا سامنا کرنا پڑا ہے، 2 دن سے مارکیٹوں میں کاروبار ہی نہیں ہوسکا جس کی وجہ سے 10 سے 12

ارب روپے کا نقصان ہوا ہے۔انہوں نے کہا کہ شہر قائد میں سیوریج کا نظام نہ ہونے کی وجہ سے ہر بار بارشوں میں نقصان ہوتا ہے ، بارش کا پانی جمع ہونے سے کاروبار نہیں ہوپاتا۔جبکہ دوسری جانب ایک خبر کے مطابق وزیراعظم نے کہا ہے کہ صوبہ سندھ بالخصوص کراچی کے حالات سے واقف ہوں، ارکان قومی اسمبلی کراچی میں لوگوں کی مدد کیلئے حلقے میں نکلیں۔وزیراعظم نے گورنرسندھ عمران اسماعیل کو ٹیلیفون کر کے بارشوں سے ہونیوالے نقصان پر تشویش کا اظہار کیا۔ انہوں نے کہا گورنرسندھ لوگوں کو ریلیف کے لیے اقدامات کریں، متاثرہ شہریوں کو کھانے پینے کی اشیا بر وقت فراہم کی جائیں، نشیبی علاقوں میں متاثرین کو مناسب مقامات پر پہنچایا جائے۔ادھر کراچی میں موسلا دھار بارش نے شہر کے بیشتر علاقوں کو ڈبو دیا، شاہراہیں، گلیاں، بازار ندی نالوں میں تبدیل ہوگئے، شہر کے بیشتر علاقے کمر کمر تک پانی میں ڈوبے ہوئے ہیں۔ موٹر سائیکلیں، گاڑیاں، منہ زور پانی کے رحم پر کرم پر ہیں۔ بیشتر علاقوں کے مکینوں نے گھر کی چھتوں پر پناہ لے رکھی ہےایم اے جناح روڈ، تبت سینٹر کے قریب بھاری کنٹینروں کو پانی میں تیرتا دیکھ کر شہری حیران ہو گئے۔ شہریوں کی کنٹینرز کو مصروف شاہراہوں سے ہٹانے کی کوشش بے سود رہی۔ ملیر، کورنگی، شاہ فیصل کالونی، پی ای سی ایچ سوسائٹی سمیت دیگر علاقوں میں بجلی کی فراہمی بند ہو گئی۔اورنگی ٹاو¿ن، نیو کراچی، لائنز ایریا، پی آئی بی کالونی، ملیرسٹی رفیع گارڈن میں بتی گل ہے۔ محمودآباد، منظورکالونی، لیاقت اشرف کالونی سمیت دیگر علاقے بھی متاثر ہیں۔ کے الیکٹرک ذرائع کا کہنا ہے متعدد فیڈرز حفاظتی اقدامات کے تحت بند کئے گئے۔

The post 2 دن کی بارش میں کراچی کی معیشت کو کتنے ارب کا نقصان ہوا؟ جواب آپ کے اندازے غلط ثابت کر دے گا appeared first on Markhor TV.

from Markhor TV https://ift.tt/3lpluFj